Aktualitet

Meta: Është koha të bëjmë gjithçka që të rikthejmë rininë, ja çfarë më tregoi pedagogu

Shkruar nga Liberale
Meta: Është koha të bëjmë gjithçka që

Kryetari i Partisë së Lirisë, Ilir Meta po zhvillon një takim me të rinjtë e kësaj partie, ku tha se është koha për të bërë gjithçka për të mbajtur të rinjtë e të rejat këtu e për të rikthyer ata që ikën nga mungesa e shpresës.

“Jemi në prag të konventës Kombëtare të PL që do të zhvillohet me 29 tetor e do të miratojë programin themelor të PL, Statutin e saj, do të përcaktojë qëndrimet strategjike, angazhimin për referendumin se rruga e vetme për ti kthyer fuqinë qytetarëve e për të garantuar llogaridhënien e rrëzuar përtokë në këtë vend e këtë shtet dhe mbi të gjitha për t’ia hequr Shqipërinë të fortëve e oligarkëve e për ti’a kthyer të rinjve. Për tu kthyer prindërve gjyshërve buzëqeshjen, shtëpitë e vatrat e të cilëve kanë ardhur duke u zbrazur nga nipërie e mbesat”, tha ai.

Ndërsa kujtoi takimin me një professor të Universitetit të Tiranës, i cili i tregoi se, në departamentin e tij nuk kanë aplikuar as 40 studentë për master, ndërkohë që më parë aplikonin 600.

“Takova një pedagog të nderuar e po e pyesja për situatën në universitet. Tha se në departamentin e tij për 200 kuota master para pak vitesh aplikonin 600 studentë, ndërsa aktualisht nuk kanë aplikuar as 40. Kur flasim për Universitetin e Tiranës, e kuptoni se si po thahet Shqipëria nga të rinjtë, nga elementi më vital. Është koha për të bërë gjithçka për të mbajtur të rinjtë e të rejat këtu e për të rikthyer ata që ikën nga mungesa e shpresës”, tha ai.

Liberale Newsroom

Poll
SHQIPENGLISH