Është e sigurt se biznesi po ecën mirë, nëse një i tillë është i ri dhe autoritetet tatimore mbërrijnë te dera. Por edhe nëse ju gjobisin, mund të ketë diçka pozitive mbi të ardhurat tuaja.
Kina paralajmëroi një valë goditjeje ndaj evazionit fiskal kundër ndikuesve të mediave sociale, të njohur ndryshe si “influencer”, të cilët paguhen nga markat e ndryshme të biznesit për të promovuar produktet online.
Bëhet fjalë për njerëz me një numër të konsiderueshëm ndjekësish, të cilët paguhen për reklamime, por ndodh që nga ky lloj biznesi i fshehin më lehtë të ardhurat se në ndonjë biznes tjetër pasi askush nuk e ka detyrim të regjistrohet.
Një nga yjet e mëdhenj, Viya, një fashioniste 30-vjeçare e njohur si mbretëresha e transmetimeve “live” në rrjetet sociale është gjobitur me 210 milionë dollarë për mosdeklarimin e të ardhurave të saj.
Madhësia e kësaj takse tregon shkallën e madhe të industrisë, e cila përbën 12% të shitjeve në internet në Kinë. Jashtë Kinës, “influencuesit” gjithashtu ka të ngjarë të kenë një rol të qëndrueshëm në tregtinë elektronike.
Për të gjitha firmat me marka – të cilat regjistrojnë daljet e tyre për reklamime, në të gjithë globin, paguajnë mbi 7 trilion dollarë.
Është koha të kuptojmë se ata që punojnë me rrjetet sociale dhe nuk deklarojnë fitime apo të ardhura, nuk e kanë atë thjesht dhe vetëm një hobi.
Dikur marketingu i bizneseve u besohej më të famshmëve të ekranit, në sport apo art, me një çmim shumë më të lartë.
Elizabeth Taylor promovoi shampon e Colgate-Palmolive në vitet 1950 dhe marrëveshja e Michael Jordan në 1984 me Nike revolucionarizoi basketbollin dhe markën veshjeve sportive.
Influencerat ecin me logjikën se rrjetet sociale i ndihmojnë ato për t’i bërë ato më të famshme. Nëpërmjet videove dhe fotove të filtruara, ata ofrojnë rekomandime biznesi për konsumatorët, të përziera me pamje në jetën e tyre të përditshme që i japin artificit të tyre një atmosferë autenticiteti. Ndonjëherë ata zbulojnë se si paguhen. Por shpesh ata nuk e bëjnë. /Liberale.al/
