Arrihet marrëveshja e parë mes Shqipërisë dhe Hungarisë për njohjen e ndërsjelltë të certifikatave të vaksinimit.
Shqipëria dhe Hungaria pritet të hapin kufijtë për lëvizjen e lirë mes dy vendeve, duke përfshirë edhe arsyet e turizmit. Kjo marrëveshje është arritur gjatë takimit Rama-Orban në Budapest ditën e sotme.
"Budapest – Një ditë e veçantë pune me kryeministrin Viktor Orbán dhe delegacionet përkatëse, mbi bashkëpunimin bilateral në ekonomi, shëndetësi, arsim dhe për ecurinë e integrimit europian të Shqipërisë, ku Hungaria është historikisht një mbështetëse e palëkundur", shkruan Rama në Facebook.