Ditën e sotme Komiteti Teknik i Ekspertëve ka dhënë një konferencë për shtyp në lidhje me situatën e koronavirusit në vend. Ministrja e Shëndetësisë, Ogerta Manastirliu ka bërë me dije se numri i të shtruarve në spitale dhe numri i rasteve të reja është rritur.
“Në spitalet Covid ka rritje të shtrimeve, nuk jemi në situatë alarmante, por tregon se duhet të kemi kujdes të shtuar. Në 14 ditët e fundit pacientët kanë pësuar rritje. Edhe për rastet e pacientëve të shtruar në terapi intensive ka pasur rritje", tha Manastirliu.
Si rrjedhojë, ajo deklaroi se mësimi në universitete do të vazhdojë online, deri në një njoftim të dytë.