Ka shkuar në katër numri i futbollistët me origjinë shqiptare, pjesë e skuadrës së Rubin Kazan, gjatë këtij sezoni futbollistik.
Pas Mirlind Dakut, Marvin Çunit, Dardan Shabanhaxhajt, ditën e sotme me ekipin rus është prezantuar edhe mesfushori Veldin Hodza (Hoxha), i cili vjen nga radhët e skuadrës së Rijekës.  

Ky transferim i kushtoi Rubinit, 2 milionë euro, ndërkohë që vlera e 21-vjeçarit nga “Transfermarket” është 3.5 milionë euro. 

Hoxha është aktualisht pjesë e Kroacisë U-21, ndërkohë që kohët e fundit ka pasur interes nga Përfaqësuesja e Kosovës.

Mesfushori ka lindur në Kroaci, por prindërit i ka goran nga qyteti i Dragashit, ç’ka i jep mundësinë të luajë për Kosovën, apo edhe për Shqipërinë.