Gennaro Gattuso është Komisioneri i ri Teknik i Kombëtares Italiane. Tashmë është zyrtare. Ish-trajneri i Hajduk Split, më herët i ulur edhe në stolat e Milanit, Napolit dhe Pizës, do të prezantohet të enjten, më 19 qershor, në Hotel Parco dei Principi në Romë. 'Ringhio' do të zërë vendin e Luciano Spalletti-t , i shkarkuar pas humbjes së rëndë kundër Norvegjisë.
Njoftimi zyrtar për shtyp nga Federata italiane: "Federata Italiane e Futbollit njofton se ka emëruar Gennaro Gattuson si Komisioner Teknik të Kombëtares Italiane. Trajneri kalabrez do të prezantohet të enjten, më 19 qershor, në orën 11:00, në Hotel Parco dei Principi në Romë".
