Sport

U la jashtë Euro 2024 nga Sylvinho, reagon Sokol Cikalleshi: Fundi i një rrugëtimi!

Shkruar nga Liberale

U la jashtë Euro 2024 nga Sylvinho, reagon Sokol Cikalleshi: Fundi i

Një ditë pas shpalljes së listës, sulmuesi Sokol Cikalleshi ka marrë vendimin për t’u tërhequr nga kombëtarja e Shqipërisë.

Trajneri Sylvinho mori vendimin për ta lënë jashtë Evropianit, ndërsa sulmuesi ka ndarë nëj emsazh për tifozët duke mbyllur karrierën me kuqezinjtë.

Reagimi i Sokol Cikalleshit:

Fundi i një rrugëtimi!

Rrugëtimet janë të bukura, me uljet e ngritjet e veta. Gjatë rrugëtimeve nëse gjërat i ke bërë siç duhet, fundi është i lumtur, paçka se, jo gjithmonë e zgjedhim vetë mënyrën.

Ka qenë një krenari dhe emocion i papërshkueshëm përfaqësimi i fanellës së ekipit kombëtar të futbollit. Bartja e emocioneve të një kombi mbi shpinë, është sa privilegj, aq edhe një përgjegjësi, cila më ka bërë të përunjur dhe mirënjohës ndaj çdokujt që besoi, ndaj çdokujt që më dha kurajo për të vazhduar, e padyshim, në mënyrë të veçantë ndaj çdokujt që brohoriti për mua.

Ashtu siç, çdo fillim e ka një fund, edhe rrugëtimit tim me ekipin kombëtar të futbollit i erdhi fundi!

Ndihem i lumtur për çka bëra gjatë këtij rrugëtimi, ku dhashë pakursimin më të vogel pikën e fundit të djersës dhe shpirtin për të bërë më të mirën e mundshme.

Falenderoj Zotin për gjithçka më ka dhënë në jetë, familjen për mbështetjen, tifozet Kuq e Zi që meritojne shumë më shumë sesa ne kemi dhënë në fushën e blertë.

Lutem Zotit që shokët që do vijojnë rrugëtimin në Euro2024 të kenë sukses dhe të bëjnë një paraqitje dinjitoze.

Liberale Newsroom

Poll
SHQIPENGLISH