Sport

Shumica e futbollistëve në Angli përdorin një substancë të ndaluar nga BE, ata janë bërë të varur

Shkruar nga Liberale

Shumica e futbollistëve në Angli përdorin një substancë

Jamie Vardy, Victor Lindelof, Danny Murphy, Marcus Rashford, Bertrand Traore, Mark Gillespie janë vetëm disa nga futbollistët që u “kapën” në Angli duke konsumuar Snus, një substancë ilegale e ndaluar në Bashkimin Evropian, por e lejuar në Angli.

Është një substancë që përmban tri herë më shumë nikotinë se një cigare dhe shkakton varësi dhe pasoja shëndetësore.

Snus u prodhua për herë të parë në Suedi në fillim të shekullit të 18-të. Kjo është arsyeja pse nganjëherë quhet edhe snus suedez. Një nga markat origjinale suedeze snus që ekziston ende, u regjistrua që në vitin 1822.

Snus suedez është një produkt duhani pluhur i paketuar në një qese. Pothuajse të gjitha markat suedeze snus përmbajnë gjethe duhani të bluar, ujë dhe karbonat natriumi. Disa mund të përmbajnë aromatizues, si dhe mentol.

Snus është i paligjshëm në disa vende, duke përfshirë Australinë, Zelandën e Re dhe të gjitha vendet e Bashkimit Evropian (BE) përveç Suedisë dhe Mbretërisë së Bashkuar që nga zbatimi i Brexit.

Është e vërtetë që përmban më shumë se 30 kimikate. Dhe, në fakt, ka tri herë më shumë nikotinë se një cigare. Ka një efekt stimulues dhe siguron një stimul shtesë fizik dhe mendor, dhe ajo që filloi si një zgjidhje për nervat mund të bëhet përfundimisht një varësi.

Dhe shumë lojtarë nuk kishin zgjidhje tjetër veçse të kërkonin ndihmë, shkruan The Athletic.

Edhe një anëtar i Kombëtares së Anglisë, i cili nuk deshi të bëjë publik emri, treguar se konsumon rregullisht.

“Shumë lojtarë e konsumojnë atë. Edhe në stol”, shkruan The Athletic.

Së fundmi, revista e njohur thekson se në Angli janë bërë të kujdesshëm, duke qenë se bëhet fjalë për një substancë që mund të çojë në pesë lloje të ndryshme kanceri.

Liberale Newsroom

Poll
SHQIPENGLISH