Sport

Për lojtarin e dëmtuar të Hungarisë tashmë Euro 2024 ka përfunduar

Shkruar nga Liberale

Për lojtarin e dëmtuar të Hungarisë tashmë Euro 2024 ka

L’Equipe njoftoi sot (24 qershor), duke cituar mediat hungareze, se përfaqësuesi hungarez i futbollit Barnabas Varga, i cili u lëndua rëndë në Kampionatin Evropian në Gjermani, është operuar me sukses.

Në minutën e 70-të të ndeshjes ndërmjet Hungarisë dhe Skocisë (1-0), Varga u rrëzua në fushë dhe mbeti i palëvizshëm si pasojë e një dueli të ashpër me portierin rival, Gunn.

Gjatë duelit, Varga ka marrë një goditje të fortë në kokë dhe ka pësuar një frakturë të kockës së fytyrës në disa vende.

Ai u ndihmua shpejt dhe u transferua menjëherë në një spital në Shtutgart, ku iu nënshtrua një operacioni të hënën.

Operacioni ishte i suksesshëm dhe L’Equipe deklaroi se Varga mund të largohej nga spitali që të mërkurën.

Për Vargën ka përfunduar Evropiani, ndërsa kombëtarja e tij është në pritje të rezultatit të grupeve të tjera.

Hungaria zuri vendin e tretë në Grupin A me tri pikë dhe shpreson të jetë ndër katër kombëtaret më të mira të vendit të tretë që do të kalojnë në fazën e 16-të.

Varga, sulmuesi i Ferencvaros, ka luajtur 13 ndeshje për kombëtaren hungareze në karrierën e tij dhe ka shënuar shtatë gola. 

Liberale Newsroom

Poll
SHQIPENGLISH