Juventus përgatitet të përballet me RB Leipzig në ndeshjen e dytë të fazës së ligës së Champions League, loja merr një rëndësi të shtuar përtej fushës.
Ndërsa, skuadra e Thiago Motta-s do të kërkojë të vijojë ecurinë pozitive pas fitores së tyre 3-1 ndaj PSV Eindhoven, “Calciomercato” raporton se drejtori sportiv i Juventus-it, Cristiano Giuntoli do ta përqendrojë vëmendjen e tij te disa lojtarë të Leipzig-ut që kanë qenë në radarin e klubit.
Sesko: Objektivi më i përfolur
Benjamin Sesko shquhet si objektivi potencial më i diskutuar. Juventus-i kishte shfaqur interes për sulmuesin slloven në fillim të kësaj vere kur e ardhmja e Dusan Vlahovic ishte e pasigurt.
Edhe pse Sesko u angazhua në projektin e Leipzig për një vit tjetër, ai mbetet një objektiv kryesor për verën e ardhshme, veçanërisht nëse Juventus nuk arrin të sigurojë një rinovim të kontratës me Vlahovic.
Mesfushorët krijues: Nusa dhe Xavi Simons
Dy lojtarë të tjerë që Giuntoli tentoi të sillte në Torino verën e kaluar janë mesfushorët sulmues Xavi Simons dhe Antonio Nusa.
Simons, i cili u kthye për pak kohë te PSG, tani është në vitin e tij të dytë radhazi në huazim te Leipzig.
Anësori norvegjez Nusa, i lindur në vitin 2005, ishte një perspektivë e nxehtë në fillim të gushtit kur marrëveshjet për Nico Gonzalez dhe Francisco Conceicao dukeshin të pamundura.
Të dy lojtarët mbeten nën vëzhgim, megjithëse vlerësimet e tyre vazhdojnë të rriten.
Lukeba: Pasardhësi i mundshëm i Danilo-s
Në mbrojtje, Castello Lukeba po tërheq vëmendjen. Giuntoli kishte synuar qendërmbrojtësin francez gjatë verës së tij të parë te Juventus-i, kur Max Allegri ishte ende në krye.
Lukeba, një mbrojtës me këmbë të majtë i lindur në vitin 2002, mund të jetë zëvendësuesi natyral i Danilo-s, i cili pritet të largohet në fund të sezonit.
Blerja e tij gjithashtu mund të lejojë që Gleison Bremer të kthehet në pozicionin e tij të preferuar në qendër të djathtë në mbrojtje.
