Sport

E la futbollin në ditën e dasmës së tij/ Si përfundoi një nga lojtarën më të mirë në botë

Shkruar nga Liberale

E la futbollin në ditën e dasmës së tij/ Si përfundoi

Portieri spanjoll, David de Gea u konsiderua si një nga portierët më të mirë në botë për më shumë se një dekadë, por atë që po kalon tani, sigurisht që nuk mund ta imagjinonte as në parashikimet më pesimiste të karrierës.

Manchester United largoi David de Gean pas 12 vitesh të shkëlqyera në klub, ku ai nuk ishte fajtor për dështimet e rezultateve, dhe ‘Doreza e Artë’ që fitoi atje në fund të kohës së tij është në mbështetje të kësaj.

Ai u largua nga Djajtë e Kuq në datën e dasmës së tij, kur klubi i tha se nuk llogarisin më tek ai. Kjo ndodhi në qershor të vitit të kaluar, duke i dhënë fund një periudhe 12-vjeçare në Old Trafford.

Ndarja me Unitedin nuk i ka pëlqyer dhe ende nuk ka gjetur një klub. Tani ai shkoi “një hap më tej” dhe u filmua duke u stërvitur në terrenin modest të klubit amator Altrincham.

Ai është një ekip i ligës së pestë, i cili zyrtarisht luan në Ligën amatore nacionale dhe ata i plotësuan kërkesat e tij dhe e lejuan të stërvitej me ta për t’u përgatitur dhe për të gjetur një punë të re për verën e ardhshme.

Ish-reprezentuesi spanjoll (33-vjeçar) ishte i lidhur me Al Shabab Saudite dhe Newcastle United, por asnjë transferim nuk u realizua.

Tashmë në mediat spanjolle përmendet edhe rikthimi i tij në vendlindje me fanellën e Real Betisit, por edhe kjo duhet pritur verën.

Për një kohë, De Gea po stërvitej i vetëm dhe po përpiqej të mbante formën, dhe tani Altrincham e ka kënaqur dhe e ka pranuar në seancat e tyre stërvitore.

Meqë ra fjala, Altrincham po lufton për t’u vendosur në League 2 (liga e katërt) dhe në rast të fitores në play-off, skuadra nuk do të ishte më një klub amator, por një klub profesionist nga sezoni i ardhshëm.

Liberale Newsroom

Poll
SHQIPENGLISH