Sport

Disfata me Italinë, Asllani: Më vjen keq për tifozët, donim t’u dhuronim një rezultat pozitiv

Shkruar nga Liberale

Disfata me Italinë, Asllani: Më vjen keq për tifozët, donim

Një rast në fund që mund të na kishte bërë të dilnim me një barazim nga fusha…

Mund të kishim marrë një barazim, pasi patëm një rast në fund, por nuk e shfrytëzuam. E gjetëm golin shumë shpejt, por Italia e rriti nivelin dhe mbajti kontrollin e topit. Qëndruam në lojë deri në fund dhe mund të barazonim, por nuk ia dolëm. Me vjen shumë keq për tifozët, që ishin të jashtëzakonshëm në stadium, por edhe jashtë tij.

U patë shumë në vështirësi në mesfushë…

Dihet forca e Italisë, që na sulmonte me shumë lojtarë dhe ishte shumë e vështirë për mua dhe Ramadanin në qendër të mesfushës. Po vraponim bosh dhe nuk po viheshim në kontroll të topit, por jemi grup i fortë dhe duhet të mendojmë shpejt për ndeshjen e kthimit.

A keni një mesazh për tifozët?

Më vjen shumë keq që nuk u dhamë një rezultat pozitiv tifozëve, por i falënderoj vërtetë me gjithë zemër që ishin këtu dhe na mbështetën jashtëzakonisht shumë. Janë forca jonë më e madhe.

Liberale Newsroom

Poll
SHQIPENGLISH