Dinamo City ka larguar trajnerin Dritan Mehmeti, nga drejtimi i ekipit të parë.

Në komunikatën e klubit blu, bëhet e ditur se Mehmeti i është besuar drejtimi i Dinamos U-21. Ekipi i parë i Dinamo City, do të drejtohet nga Erjon Xhafa, deri në zgjedhjen e trajnerit të ri. Ilir Daja, i cili është përfolur për largimin nga Ballkanit, pritet të jetë zgjidhja e bluve për stolin.

Vendimi vjen pas startit të dobët në kampionat nga dinamovitët, që regjistruan dy humbje në dy ndeshjet e para, ndaj Egnatias dhe ndaj Bylisit.

“FC Dinamo City njofton pezullimin e Dritan Mehmetit nga posti i trajnerit të ekipit të parë.

Klubi dinamovit bën me dije se teknikut Mehmeti i është dhënë drejtimi i skuadrës U-21.

Deri në momentin e zyrtarizimit të trajnerit të ri, 18 herë kampionët do të stërviten nga Erjon Xhafa, i cili momentalisht mban postin e drejtorit të akademisë blu.”, shkruhet në njoftimin zyrtar të klubit dinamovit.