Sport

100 podiume për Verstappen, lë pas edhe Schumacher-in

Shkruar nga Liberale

100 podiume për Verstappen, lë pas edhe Schumacher-in

Max Verstappen dominoi në Çmimin e Madh të Arabisë Saudite teksa në pistën e Jeddah, holandezi nuk pati rivalë dhe la me më shumë se 10 sekonda pas shokun e skuadrës, Sergio Perez. Për kampionin e trefishtë të botës, podiumi i arritur në Arabinë Saudite ishte i 100 në karrierë, duke e përfshirë 26-vjeçarin në “klubin” e 6 legjendave që e kanë arritur më parë këtë shifër.

Bëhet fjalë për legjenda si Michael Schumacher, Kimi Raikkonen, Alain Prost, Sebastien Vettel, Fernando Alonso dhe Lewis Hamilton.

Nga këto 100 podiume, Verstappen ia ka dalë të ngjitet në katin më të lartë në plot 56 raste duke lënë pas në këtë statistikë edhe një si Michael Schumacher ndërsa një tjetër e veçantë është edhe se holandezi është piloti më i ri në moshë që e arrin në kuotën e 100 podiumeve.

Në dy garat e para të këtij sezoni, Verstappen ka treguar superioritet në çdo aspekt me kundërshtarët e tij dhe pritet që të thyejë të tjera rekorde në botën e shpejtësisë. Formula 1 rikthehet më datë 24 mars me Çmimin e Madh të Australisë.

Liberale Newsroom

Poll
SHQIPENGLISH