Aktori koreano-jugor Song Jae-lim, një ish-model që u bë i njohur në K-drama, u gjet i vdekur në Seul të martën. 

Trupi i 39 vjeçarit u gjet në banesën e tij nga një mik, i cili kishte planifikuar të hante drekë me të atë ditë, sipas policisë së Seul Seongdong.

Një zyrtar i policisë tha se nuk u gjet asnjë provë në vendngjarje apo ndonjë shënim në apartament.

“Hetimi ynë fillestar deri më tani, nuk ka zbuluar asnjë shenjë të aktivitetit kriminal. Meqenëse familja nuk ka dashur autopsi, ne do të vazhdojmë me transferimin e të ndjerit në kujdestarinë e familjes së tij.”

Policia shtoi se do të hetojë shkakun e vdekjes sipas procedurave standarde.

I lindur në vitin 1985, Song filloi karrierën e tij argëtuese me filmin e vitit 2009 "Aktoret". Ai fitoi njohje të gjerë për portretizimin e një roje mbretërore në dramën historike të vitit 2012 "Moon Embracing the Sun" dhe arriti famë të mëtejshme përmes një paraqitje në reality show "We Got Married". Performanca e tij e fundit ishte në muzikalin "La Rose De Versailles", i cili përfundoi në tetor.