Selvije Jao ka njoftuar se po largohet nga Tirana, ndonëse ka kaluar një pjesë të rëndësishme të jetës së saj.
Duket se largimi i saj nga kryeqyteti vjen pas ndarjes nga këngëtari Shpat Kasapi dhe në rrjetet sociale ajo ka ndarë me ndjekësit një mesazh të ndjerë, ku shprehet:
“Ditët e fundit në Tiranë… Më në fund po largohem, por zemra ime do të mbajë gjithmonë një copëz nga ky qytet”, tha ajo.
Më tej ajo shtoi: “Në çdo cep të saj kam lënë pjesë të shpirtit tim… një grua që luftoi, qeshi, u rrëzua dhe u ngrit për veten dhe për djalin e saj… Tirana s’do të jetë më e njëjta pa mua, dhe as unë pa të”.
Përmes këtij mesazhi ajo tregon lidhjen e thellë emocionale që ka krijuar me Tiranën, një vend ku ka përjetuar sfida, suksese dhe rritje personale.
