Demi Moore fitoi Globin e Artë të parë në karrierën e saj për interpretimin e saj në filmin " The Substance ".
Duke pranuar çmimin, aktorja 62-vjeçare ka mbajtur një fjalim emocionues, në të cilin ka shpjeguar se është nderuar për herë të parë në karrierën e saj 45 vjeçare artistike, duke shprehur mirënjohjen për këtë çmim.
“Vërtet nuk e prisja. Unë jam në shok tani. Unë e kam bërë këtë për një kohë të gjatë, mbi 45 vjet dhe kjo është hera e parë që kam fituar diçka si aktore dhe jam kaq e përulur dhe kaq mirënjohëse”, - tha ajo.
Moore kujtoi një producent filmash rreth 30 vite më parë, i cili e quajti atë një "aktore kokoshka".
“Mund të bëja filma që do të fitoja para dhe do të ishin të suksesshëm, por nuk do të isha në gjendje të fitoja njohje”, tha ajo për fitoren e saj.
“Dhe unë e adoptova dhe e besova, me kalimin e kohës deri në pikën ku mendova disa vite më parë se ndoshta kjo ishte ajo. Ndoshta isha e kompletuar, ndoshta mbarova me atë që duhej të bëja. Pastaj gjeta këtë skenar magjik, të guximshëm, krejtësisht të paqartë, që erdhi në tavolinën time të quajtur "Substanca" dhe universi më tha që nuk ke mbaruar."
