Producenti i njohur muzikor Benny Blanco ka dhënë një intervistë të veçantë për revistën InStyle, ku rrëfeu shumë detaje nga jeta e tij personale. Ai foli hapur për marrëdhënien e tij me këngëtaren Selena Gomez, të cilën e përshkroi si “përrallën” e tij personale.
Blanco zbuloi se ka njohur Selenën që kur ajo ishte 16 vjeçe, por lidhja e tyre romantike nisi vite më vonë. Ai tha se dëshiron të krijojë familje me të dhe është shumë i përkushtuar ndaj kësaj dashurie.
Në intervistë, Benny komentoi edhe miqësinë e ngushtë mes Selenës dhe Taylor Swift, duke treguar se tani është bërë vetë një fans i madh i Taylor-it, një “Swiftie”.
Përveç dashurisë, Blanco ndau edhe sfidat që ka hasur në marrëdhënie dhe ndikimin e nënës së tij në jetën personale dhe profesionale, si dhe përvojat e tij në industrinë e muzikës.
