Princesha e Uellsit, Kate Middleton feston sot ditëlindjen dhe mbush 43 vjeç. Bashkëshorti i saj, William i ka dedikuar një urim special në ditën e saj të veçantë, duke e quajtur “grua të jashtëzakonshme”.
William publikoi një mesazh të veçantë në rrjetet sociale duke e uruar publikisht bashkëshorten e tij dhe duke e quajtur si një grua dhe nënë të jashtëzakonshme.
Mes të tjerash ai ka përmendur gjithashtu dhe forcën që ajo ka treguar vitin e kaluar, pas diagnostikimit me kancer.
“Për gruan dhe nënën më e jashtëzakonshme. Forca që ke treguar gjatë vitit të kaluar ka qenë e jashtëzakonshme,” shkroi William në një mesazh të publikuar në rrjetet sociale.
“George, Charlotte, Louis dhe unë jemi shumë krenarë për ty. Gëzuar ditëlindjen, Catherine. Të duam. W.”, thuhet në postim.
Theksojmë se Princesha është rikthyer në detyrat mbretërore pasi ka kaluar trajtimin me kimioterapi për shkak të diagnozës me kancer, ku për një farë periudhe princesha e Uellsit u shkëput nga detyrat, pikërisht për shkak të sëmundjes. Ndërsa familja mbretërore i qëndroi pranë duke e inkurajuar gjatë gjithë kohës, në momentet e saj të vështira.
