Letërsi

Shkrimtari i ri Dionis Prifti shpallet fitues me shumicë votash i ÇMIMIT Letrar Kadare 2024

Shkruar nga Liberale

Shkrimtari i ri Dionis Prifti shpallet fitues me shumicë votash i

Dionis Prifti shpallet fitues i edicionit të dhjetë të Çmimit letrar KADARE 2024, me romanin “Dy javë nën balonë”

Në përputhje me Statutin e Çmimit Letrar Kadare dhe pas shqyrtimit të dokumentacionit, në lidhje me shpalljen e Çmimit Kadare 2024, i parashikuar për datën 24/ 02/ 2024, Instituti Liberal Pashko, enti juridik që akordon Çmimin Kadare vendosi:

T’i konsiderojë të gjitha mbledhjet dhe votimet e mëparshme, përfshi edhe atë të datës 24 shkurt 2024, e parashikuar si mbledhja finale, si paraprake dhe konsultative, përderisa nuk pati procesverbal të nënshkruar, dhe të thërrasë një mbledhje të re në datën 10/ 05/ 2024 për të kryer votimin formal, sipas dokumentacionit përkatës, e domosdoshme kjo për shkak se, në ndryshim nga tradita e viteve të mëparshme, nuk ka pasur konsensus të plotë të të pesë anëtarëve të jurisë për fituesin.

Mbledhja u zhvillua në datën 10/05/2024 dhe në të morën pjesë këta anëtarë jurie: Armando Bora, Ermir Nika, Suadela Balliu.

Munguan në mbledhje: Nasi Lera, kryetar i jurisë, Gazmend Krasniqi, anëtar.

Në përfundim të mbledhjes, mes pesë finalistëve:

1-ANTONIO ÇIKOLLARI “Tregime” - Tregime

2- DIONIS PRIFTI “Dy javë nën balonë” – Roman

3-GRANIT ZELA “Përmbytja” – Roman

4- GRIGOR JOVANI “Klinika” – Tregime

5-LULJETA DANO “Njohja” – Roman

Fitues u zgjodh Dionis Prifti me motivacionin:

“Me prozën “Dy javë në balonë” autori i ri, nëpërmjet një stili origjinal letrar paraqet risi në konceptim dhe një frymë novatore, ku përthyerja e realitetit në epokën teknologjike krijon kode të reja komunikimi në shoqërinë e sotme”.

Në vitin e dhjetë të Çmimit Kadare, duke inkurajuar përmes këtij çmimi një autor të ri, juria synon të mbështesë një gjeneratë të re letrarësh, e cila meriton vëmendje për t’u shfaqur në jetën kulturore të vendit me profilin dhe zërin vetjak.

Me qëllim mbajtjen larg të çdo ndikimi, Instituti Liberal i Tiranës, Pashko, i cili akordon Çmimin Kadare, beson se promovimi i letërsisë shqipe, nëpërmjet këtij çmimi të veçantë, ku konkurrohet me dorëshkrim, mbetet një qëllim madhor i këtij çmimi, prandaj respektimi i procedurave juridike dhe statutit ka rëndësi parësore.

Nisur nga kjo, me qëllim rritjen e reputacionit të Çmimit Kadare, i iniciuar në vitin 2014, me mbështetjen e partnereve të këtij çmimi, shtëpisë botuese UET PRESS, Departamentit të Arteve të Aplikuara të Universitetit Europian të Tiranës, Gazeta Liberale, duke nisur nga konkursi i radhës, juria e Çmimit Kadare, do të përbëhet vetëm nga autorë fitues të edicioneve të mëparshme të Çmimit Kadare.

 

Liberale Newsroom

Poll
SHQIPENGLISH