Letërsi

LIBRI DITËS: "Duaje gjithnjë veten", si ta kapërcesh mbingarkesën dhe të ndërmarrësh hapa të menaxhueshëm drejt shndërrimit pozitiv

Shkruar nga Liberale

LIBRI DITËS: "Duaje gjithnjë veten", si ta kapërcesh

RUBRIKA DITORE E LIBRIT E PËRZGJEDHUR NGA LIBERALE.AL

Titulli: Duaje gjithnjë veten

Origjinali: Love Yourself First!

Kategoria: Udhërrëfyes praktik

Autori: Marc Reklau

Përktheu: Adrian Beshaj

Botues: Bota Shqiptare

Viti: 2024

Fq: 216

Mbi librin

Mos vallë vlerësimi i ulët për veten ta shuan gëzimin e jetës? Ai zëri i dobët brenda kokës mos vallë t'i prish vazhdimisht zgjedhjet që bën? Je lodhur duke u ndjerë sikur mendimi yt nuk ka rëndësi? Gabimet e së kaluarës mos vallë ta bëjnë të ardhmen të duket e zymtë?

Së Pari, "Duaje gjithnjë veten"! Rrite vetëvlerësimin brenda 30 ditësh dhe bëj të prekshme shumë përfitime që do të të ndryshojnë perspektivën e jetës. Duke përdorur një lloj nxitjeje por me këmbë në tokë, një gjuhë miqësore të shoqëruar me ushtrime praktike, Reklau të ndihmon ta kapërcesh mbingarkesën dhe të ndërmarrësh hapa të menaxhueshëm drejt shndërrimit pozitiv. Dhe, duke mësuar se si të duash veten, me gjithë të metat që ke, do të arrish përfitime konkrete dhe një lumturi të brendshme të qëndrueshme.

Në këtë libër, do të zbulosh:

• Si të ndalosh së nënvlerësuari veten dhe të bëhesh më elastik.

• Si të mos ndihesh fajtor për gabimet dhe të shijosh gjërat e mira.

• Si të ndërtosh marrëdhënie më të mira shoqërore dhe profesionale dhe si të kesh guximin të kërkosh ato që do.

• Si të shprehësh lirshëm mendimet dhe vlerat.

• Si të zbulosh shembuj të dobishëm nga artikujt apo ekspertët.

Liberale Newsroom

Poll
SHQIPENGLISH