Giusy Ferreri, këngëtarja e njohur italiane, ka shpërndarë një mesazh emocional për fansat e saj, duke shpërndarë një video në rrjetet sociale.

Ajo nuk ka fshehur lumturinë e saj për rikthimin në Tiranë dhe ka ftuar me ngrohtësi të gjithë fansat e saj të bashkohen me të në koncertin e saj të ardhshëm. Koncerti do të zhvillohet më 29 korrik në Spectapolis Tirana, në stadiumin "Selman Stërmasi".

“Përshëndetje, unë jam Giusy Ferreri dhe jam shumë e lumtur t’ju them se do të shihemi shumë shpejt në Tiranë, më 29 korrik, në festivalin Spectapolis, në stadiumin Selman Stermasi. Mezi pres t’ju përqafoj sërish të gjithëve dhe të kthehem në Tiranë. Shihemi shumë shpejt”, tha Ferreri në videomesazh.