Sot, më 31 gusht, përkujtojmë 27 vjetorin e vdekjes së Princeshës Diana, një nga figurat më të njohura të Familjes Mbretërore Britanike.
Një portret i Princeshës Diana është shitur për më shumë se 200 mijë Dollarë. Kjo pikturë ishte një studim i fytyrës së Dianës, e cila ishte përdorur për një portret të plotë dhe është vepra e rrallë e Nelson Shanks.
Ndërsa tregon princeshën me një “shprehje të menduar” të përfshirë në portretin e saj të plotë, fustani i i gjelbër më vonë u ndryshua në një bluzë të bardhë për projektin e fundit, më të madh, sipas shtëpisë së ankandeve “Sotheby”.
Shanks u ngarkua të krijonte një portret të plotë të Princeshës së ndjerë të Uellsit në fund të viteve ’90, e cila kërkonte disa seanca personalisht ku princesha u ul për më shumë se 35 orë.
Diana lindi më 1 korrik 1961 dhe ishte bashkëshortja e Mbretit Charles, duke sjellë në jetë dy djem, Princ William dhe Princ Harry. Ajo humbi jetën tragjikisht në një aksident automobilistik më 31 gusht 1997, kur automjeti që udhëtonte u përplas në tunelin e Pont de l'Alma në Paris.
Që nga fëmijëria, Diana kishte një pasion të veçantë për muzikën dhe modën, dhe shpejt u bë një ikonë globale e kulturës pop. Ajo zhvilloi marrëdhënie të ngushta me figura të njohura si George Michael dhe Elton John.
Diana përdori famën e saj për të rritur ndërgjegjësimin dhe për të mbështetur kauza të ndryshme humanitare. Një nga veprimet më të njohura ishte angazhimi i saj për të ndihmuar të sëmurët me AIDS. Në vitin 1987, ajo mori pjesë në hapjen e njësisë së parë të dedikuar për HIV/AIDS në Mbretërinë e Bashkuar dhe shtrëngoi duar me një pacient të sëmurë, duke sfiduar para medias idenë se sëmundja transmetohej me prekje.
Si një figurë publike dhe filantropiste, Diana la një ndikim të thellë në botë, duke sfiduar rregullat konservatore të Familjes Mbretërore dhe duke e bërë ndryshimin në perceptimin e publikut. Ajo është e përkujtuar nëpërmjet librave, dokumentarëve dhe filmave që trajtojnë jetën dhe trashëgiminë e saj.
John Nelson Shanks ishte një artist dhe piktor amerikan. Veprat e tij më të njohura përfshijnë portretin e Dianës, Princeshës së Uellsit, i shfaqur për herë të parë në Galerinë Hirschl & Adler në New York City, 24 prill deri më 28 qershor 1996, dhe portretin e presidentit Bill Clinton për Galerinë Kombëtare të Portreteve.
Shanks ishte një piktor, mësues dhe historian arti me ndikim në ringjalljen e Realizmit Klasik në Shtetet e Bashkuara. Portretet e tij të familjes mbretërore, politikanëve dhe të famshmëve shtuan profilin e tij ndërkombëtar si një nga piktorët figurativ më të shquar bashkëkohor. Filozofitë dhe aftësitë e Shanks u ndanë përmes mësimdhënies së tij në institucione të ndryshme publike dhe private.
