Piktura e realizuar nga Jakup Keraj, "Piktor i Merituar". Sot mbushen 86 vjet nga ndarja nga jeta e poetit të shquar, 26 gusht 1938.
Millosh Gjergj Nikolla i njohur si Migjeni konsiderohet si një ndër shkrimtarët më të lexuar e më të rëndësishëm të letërsisë shqipe të shekullit të 20-të. Për epokën ishte një zë krejtësisht novator dhe origjinal. Ndikimi i tij mbi letërsinë shqipe të kohës ishte i madh.
Migjeni është përfaqësues i një periudhe të rëndësishme për letërsinë shqiptare, kur modernizmi dhe realizmi social ishin të rëndësishëm. Poezia e tij është e njohur për stilin e saj të veçantë, që përfshin një përdorim të fuqishëm të gjuhës dhe një strukturë të ndërlikuar poetike.
Një nga veprat më të njohura të Migjenit është "Vargjet e lira", që përmban poezi me tema të ndryshme, duke përfshirë varfërinë, eksploatimin, dhe ndjenjat e dëshpërimit dhe shpresës. Migjeni gjithashtu është i njohur për veprat e tij prozë, ku reflekton përvojat dhe ndjenjat e tij personale, duke ofruar një pasqyrë të qartë të shoqërisë shqiptare të kohës. Migjeni cilësohet edhe si poet i mjerimit.
Jakup Keraj ishte një piktor tepër i talentuar. Ai edhe pse jetoi dhe krijoi larg kryeqytetit në vendlindjen e tij, Shkodër, arriti të shquhet si një individualitet, por, pavarësisht talentit të jashtëzakonshëm, puna e tij, as kur ishte gjallë dhe as kur u nda nga kjo jetë, nuk trumbetohej me të madhe. Jakup Keraj ishte student i grupit të parë të artistëve që studiuan në Institutin e Pikturës në Shën Petërburg, në fundin e viteve ’50. Imazhi i talentit të jashtëzakonshëm tij do të “ndihmonte” të gjithë studentët që vijuan studimet në shkollë.
