Aktualitet

Kush janë gjashtë shqiptarët në Parlamentin e ri të Malit të Zi!

Shkruar nga Liberale

Në parlamentin e Malit të Zi të dalë nga zgjedhjet e 11 Qershorit do të ketë në përbërje 6 deputetë shqiptarë, 4 nga partitë nacionale shqiptare dhe dy nga partitë qytetare.

Dritan Abazoviç ( URA), Drita Llolla ( DPS) ndërsa nga partitë nacionale në parlament do të jenë pjesë Mehmet Zenka nga Unioni Demokratik i Shqiptarëve, Genci Nimanbegu i Aleancës Shqiptare si dhe Nikollë Camaj dhe Ferhat Dinosha nga Forumi Shqiptar.

Shumicën e votave, me 26 përqind, e ka marrë lëvizja “Evropa Tani”, ndjekur nga aleanca “Së bashku” e përbërë nga DPS-SD-LP-DUA me 23.9 për qind. Koalicioni “Për të ardhmen e Malit të Zi” ka marrë 14.8 për qind, koalicioni Demokratët dhe URA e drejtuar nga Dritan Abazoviç 12.3 për qind.

Partia Boshnjake ka 6.8 për qind, Partia Popullore Socialiste (SNP) dhe Demos 3.2 për qind. Forumi Shqiptar ka 2 për qind, Aleanca Shqiptare 1,5 për qind, Koalicioni Popullor (DHP, Prava, Slobodna) 1,1 për qind.

Liberale Newsroom

Poll
SHQIPENGLISH