Një aksion i madh është zhvilluar në Tropojë për goditjen e veprimtarisë kriminale në fushën e krimit ekonomik. Nga njoftimi i policisë u bë me dije, se është shpallur në kërkim përgjegjësja e Kadastrës së këtij qyteti.
Bëhet fjalë për 31 vjeçaren, Ajlin Alfredaj, e cila ka kandiduar në zgjedhjet e fundit parlamentare për deputete, në Tropojë, nën siglën e Partisë Socialiste.
“Në kuadër të operacionit “Cancel”, nga specialistët e Hetimit të Krimit Ekonomik dhe Financiar në Komisariatin e Policisë Tropojë u bë shpallja në kërkim e shtetases A. A., 31 vjeçe, banuese në Fierzë, Tropojë, me detyrë përgjegjëse e zyrës vendore të Agjencisë Shtetërore të Kadastrës, Tropojë”, thuhet në njoftimin e policisë.