Me afrimin e sezonit turistik, janë shtuar edhe krimet në zonat bregdetare.
Pas vrasjes së ndodhur paradite në Sarandë, raportohet për tre të plagosur në Ksamil.
Të plagosurit janë pjesëtarë të së njëjtës familje, me mbiemër Ahmeti.
Mësohet se të plagosur kanë mbetur Tiku Ahmeti, Luli Ahmeti dhe Flamur Ahmeti.
Njëri prej tyre është nisur me helikopter drejt Tiranës, pasi ndodhet në gjendje më kritike.
Ata janë konfliktuar me disa persona të tjerë.
Për shkak të plagëve të marra Luli Ahmeti është nisur drejt Tiranës, ndërsa dy të tjerët ndodhen në spitalin e Sarandës ku edhe po marrin trajtim mjekësor. 49-vjeçari Tiku Ahmeti i cili bëhet me dije se është edhe biznesmen.
Policia ka nisur hetimet dhe ka identifikuar autorët.
Një sherr me pasoja më të rënda ndodhi paradite në Sarandë. Ka ndërruar jetë 43-vjeçari nga Saranda që u qëllua me thikë në kurriz mëngjesin e kësaj të marte. 43-vjeçari u konfliktua me një tjetër person, sipas policisë për motive të dobëta në shëtitoren e qytetit.
