Aktualitet

Kryemadhi: Segmente të policisë kërcënojnë kandidatët e LSI-së

Shkruar nga Liberale
Kryemadhi: Segmente të policisë kërcënojnë

Nga studio e emisionit ‘Kjo Javë’ në News24, kryetarja e LSI, Monika Kryemadhi ka bërë një kërkesë dhe një akuzë të fortë për prokurorin e Elbasanit.

Ajo tha se prokurori i Elbasanit po përdor pozicionin e tij për intimiduar kandidatët për deputetë në mënyrë që të favorizojë vëllain e tij, Besjan Ajazin.

Ajazi është njëkohësisht këshilltar i Taulant Ballës dhe kandidat për Partinë Socialiste në qytetin e Gramshit u shpreh ajo. Për këtë arsye, Kryemadhi kërkoi nga Këshilli i Lartë i Prokurorisë që të rishikojë emërimin e Besjan Ajazit në prokurorinë e Elbasanit

“Edhe presioni i Policisë së Shtetit ndaj kandidatëve të opozitës është jashtëzakonisht i madh, por edhe i Prokurorisë. Dhe këtu përfitoj nga rasti për t’i bërë thirrje Këshillit të Lartë të Prokurorisë, që të rishikojë emërimin e prokurorit të Elbasanit, i cili po përdor Prokurorinë e Elbasanit si element kërcënimi ndaj kandidatëve, për t’i hapur rrugën vëllait të tij Besjan Ajazi, këshilltarit të Taulant Ballës, i cili do të kandidojë për deputet në rrethin e Gramshit.

Ka bërë veprime të shëmtuara, por edhe të jashtëligjshme. Ndoshta ky do të jetë një moment shumë i mirë, qoftë edhe konflikt interesi, ai njeri duhet të largohet nga qarku i Elbasanit si prokuror i prokurorisë. Sepse turp më të madh sesa instrumentet e Prokurorisë së qarkut të Elbasanit, apo dhe të policisë, e në emër të Taulant Ballës, do të më vinte shumë keq dhe do të ishte një zhgënjim shumë i madh nga institucionet ndërkombëtare, të cilët kanë harxhuar para pafund për të depolitizuar sistemin e drejtësisë. Jo vetëm që nuk e kanë depolitizuar, por përkundrazi u kanë dhënë teserën e partisë së Rilindjes", tha Kryemadhi.

Liberale Newsroom

Poll
SHQIPENGLISH