1

Kosova siguron medaljen e dytë olimpike në Tokio

               Publikuar në : 10:53 - 26/07/21 liberale

Sukses historik për Kosovën ka siguruar të hënën Nora Gjakova. Ajo është në finale të Lojërave Olimpike dhe kështu e ka medaljen e sigurt.

Është medalja e dytë për Kosovën në “Tokio 2020”, pas asaj të artë që e fitoi Distria Krasniqi të shtunën.

Është pjesëmarrja e dytë e Kosovës në ngjarjen më të madhe sportive. Në Rio 2016, Majlinda Kelmendi kishte fituar të artën. Tani Kosova i ka dy medalje në Tokio, ndërsa ka shpresë edhe për të tjera.

Nora garon në kategorinë deri 57 kilogramë, ndërsa në gjysmëfinale e mposhti japonezen Tsukasa Yoshida. Prej saj kishte humbur katër luftërat e kaluara. Por të hënën në Nippon Budokan në Tokio, Nora shkëlqeu. Lufta ishte shumë e fortë dhe shkoi në kohën shtesë. Në kohën shtesë Nora realizoi hedhje për vazari për festë të madhe të saj, trajnerit Driton Kuka dhe shqiptarëve të tjerë në Nippon Budokan.

Deri në gjysmëfinale Nora i kishte dy fitore. Mposhti fillimisht në raundin e dytë holandezen Sanne Verhagen e më pas sllovenen Kaja Kajzer. Nora ishte bartësja e tretë, ndërsa japonezja Yoshida e dyta.

Nora më herët këtë vit ka fituar medalje evropiane dhe botërore. Tani e ka të sigurt medaljen olimpike dhe natyrisht synon të artën. Viti i saj është i shkëlqyeshëm, karriera e saj është e shkëlqyeshme. Dhe xhudoja kosovare konfirmohet si forcë botërore.

Tags:


KOMENTO (0)

Shkruaj nje koment

Your email address will not be published. Required fields are marked *

* *

Back