Aktualitet

Koronavirusi i merr jetën mësuesit nga Fieri, ministrja mesazh prekës

Shkruar nga Liberale
Koronavirusi i merr jetën mësuesit nga Fieri, ministrja mesazh

Një mësues nga Fieri ka humbur betejën me virusin e rëndë Covid-19. Mësohet se ka ndërruar jetë mësuesi Gramoz Adebindaj.

Përmes një mesazhi në ‘Facebook’, ministrja e Arsimit, Evis Kushi, i shpreh ngushëllime familjes për humbjen e kryefamiljarit, ndërsa thekson se i ndjeri kishte një kontribut shumëvjeçar e me vlerë në fushën e arsimit.

Mesazhi i ministres:

Do të kisha dashur që emrin e mësues Gramoz Abedinaj nga Fieri ta ndaja me ju për ta falenderuar për kontributin e tij shumëvjeçar e me vlerë në fushën e arsimit, por asnjëherë për të shprehur hidhërimin e ndarjes së tij nga jeta pas betejës së humbur me Covid-19.

Ngushëllimet më të sinqerta për familjen, miqtë, kolegët dhe nxënësit e shkollës në Roskovec ku mësues Gramozi ka shërbyer me shumë përkushtim e dashuri!

Për të mos përjetuar më momente të trishta si ky, ju bëj thirrje edhe një herë që të zbatojmë me rigorizet të gjitha rregullat dhe protokollet shëndetësore për t’u mbrojtur nga ky virus i pabesë e i rrezikshëm!

Liberale Newsroom

Poll
SHQIPENGLISH