Editorial

Komunikimi politik nuk mund të bëjë mrekulli

Shkruar nga Liberale
Komunikimi politik nuk mund të bëjë mrekulli

Ervis Iljazaj

Me të gjitha gjasat, një nga aspektet më të rëndësishme të fushatës elektorale  të Partisë Socialiste dhe Edi Ramës, do të jetë rindërtimi i banesave që u prishën nga tërmeti i 26 nëntorit. Jo më kot, edhe në këto ditë pushimesh, aktiviteti kryesor në facebooukn personal të kryeministrit janë pamjet, prerjet e shiritave apo fillimi i punimeve të ndërtesave të ndryshme.

Duke qenë se kjo qeveri në mandatin e saj të dytë nuk ka ndonjë bilanc pozitiv për tju servirur shqiptarëve  për të kërkuar mandatin e tretë, atëherë, rindërtimi i shtëpive mbetet ndoshta një nga armët e vetme.

Megjithatë,  tërmeti nuk i ka dhënë një mundësi  Edi Ramës për të ndërtuar një fushatë elektorale rreth tij . Jo për faktin se nuk po e bën këtë fushatë, por për faktin se Edi Rama është në  fushatë elektorale kostante, dhe rasti i tërmetit nuk përbën ndonjë përjashtim. Pra, fushata është e përhershme, qeverisja e tij ndodh  ndonjëherë.

Në këtë kuptim, për një komunikator të madh si puna e tij, nuk ka rëndësi nëse kjo është fatkeqësi natyrore, debat me gazetarët, apo ligji anti-shpifje, rëndësi ka që  cdo moment kthehet në një fushatë elektorale, pavarësisht se cfarë tematike është në qëndër të tij.

Rasti i tërmetit përbën ndoshta një rast specifik për faktin se është një moment që ka të bëjë me jetën e njërzve, me banorë fatkeqë dhe lotë dhimbjeje të cilat krijojnë shumë emocione. Dhe emocionet, janë arma më e mirë për të përfituar politikisht.

Edi Rama e di mjaft mirë, që rparimii dëmeve nga tërmeti  mund të përbëjë një kartë elektorale të rëndësishme për betejën e tij politike të ardhshme, prandaj edhe kërkon të dalë nga kjo histori si shpëtimtari i kombit. Në fakt, në raste të tilla të fatkeqësive natyrore, në vëndet me një shtet të konsoliduar, protagonistët janë drejtorët e emergjencave, komisarët e jashtëzakonshëm të caktuar nga qeveria, apo struktura të tjera të specialuzura të shtetit. Ndërsa në rastin e Shqipërisë, i vetmi protagonist është vetë Kryeministri. Ai merr vendimet se ku do të ndërtohet, sa do ndërtohen dhe kush do ti ndërtojë, duke dhënë idenës e se pushteti lokal në Shqipëri është inekzistent, pushtet i cili ka për detyrë të menaxhojë situata të tilla.

Por, ajo që kërkon Edi Rama në këtë rast është që ti thotë shqiptarëve se ai ka po të njëjtën dhimbje njësoj si fatkeqët, dhe se ai do ti shpëtojë nga kjo pabesi e natyrës.

Për këtë arsye, pavrësisht se i urren televizionet, ashtu sikurse shprehet, nuk bën gjë tjetër vecse  shkon dhe jep shfaqe  me banorët e prekur, duke qëndruar përpara syve të shqiptarëve pa asnjë ndërprerje.

Në epokën e komunikimit ku jetojmë sot, më e rëndësishme për një qeveri është bërë komunikimi se sa qeverisja.

Në fakt, ky nuk është vetëm një fenomen shqiptar, por, është një fenomen që ndodh edhe përtej në vendet e tjera. Mirëpo, fushata permanente, është kthyer në një nga arsyet e keqqeverisjes, dhe është bërë shqetësim nga të gjithë ata që kanë përzemër ruajtjen e sistemit demokratik.

Overdoza e komunikimit nga ana e një qeverie, ashtu sikurse Giovanni Sartori e theksonte, është kthyer në një nga armiqtë më të mëdhenj të demokracisë.

Nuk ka rëndësi nëse jemi në moment zgjedhjesh apo në moment qeverisje, e rëndësishme është zhvillimi i fushatës konstante. Është e njohur nga të gjithë që Edi Rama, armën më të fortë tij ka komunikimin me publikun.

Por, komunikimi, edhe pse është pjesë shumë e rëndësishme e politikës së sotme, ka një vlerë të caktuar efikasiteti. Është një armë që përtej një pike dhe limiti nuk ka asnjë vlerë, sepse herët apo vonë duhet të bësh llogaritë me realitetin. Dhe realitetin e dinë vetëm ata që janë prekur nga tërmeti. Dhe nëse nuk është ashtu sikurse paraqitet ne videot e facebook, mund të kthehet në një boomerang për këtë qeveri. /Gazeta Liberale

 

Liberale Newsroom

Poll
SHQIPENGLISH