Kombëtarja në prag të ndeshjes me Andorrën

Kombëtarja shqiptare do të stërvitet e plotë. Futbollistët e fundit të thirrur nga tekniku kanë mbërritur në Barcelonë. Futbollistët janë në formë, mjafton vetëm të rikthejnë ritmin e lojës në skuadrat e tyre.

“Po luajmë çdo tre ditë, jemi mësuar edhe me pandeminë. Po mbajmë mirë veten, jemi gati të luajmë çdo tre ditë. Duhet të ruajmë pak nga ndeshjet e kaluara”, tha futbollisti Elseid Hysj.

Një fitore e mundshme me Andorrën do të ishte një ndihmë për anën psikologjike të futbollistëve.

Seanca e sotme stërvitore do të shohë futbollistët të aplikojnë menjëherë skemën me të cilën do të përballen me Andorrën. Tekniku Reja me shumë mundësi do të vendosë edhe për formacionin fillestar nisur nga forma që do të tregojë secili prej tyre.

Tags: andorra, kombetarja, ndeshje, spanje