Aktualitet

Kapexhiu: Jemi vend një partiak, politika është e mbushur me pinokë

Shkruar nga Liberale
Kapexhiu: Jemi vend një partiak, politika është e mbushur me

Pjesë e tubimit të thirrur nga presidenti Meta ka qenë edhe artisti i njohur Bujar Kapexhiu.

Në fjalën e tij, ai iu bëri thirrje intelektualëve që të ngrihen kundër së keqes, ndërsa shtoi se Shqipëria është shndërruar në një vend njëpartiak.

"Nuk kam qenë kurrë anëtar i një partie politike dhe nuk do të jem kurrë në çaste të veçanta jam ndjerë demokrat dhe socialist, në ato çaste kur është fjala për të mirën e Shqipërisë. Për herë në jetë kam hedhur hapin sipas një divize jam me të gjithë jam kundra të gjithëve.

Sot jam me të gjithë ju që jeni në mbrojtje të Kushtetutës, në mbrojtje të dokumentit themeltar të shtetit të lirë dhe demokrat. Jam kundër të gjithë atyre që tentojnë ta shkelin, deformojmë dhe falsifikojnë dokumentin themeltar të një grupi të caktuar. Ne morëm më të keqen e diktaturës dhe po shpikim më të keqen e demokracisë.

Edhe nëse unë nuk e kam zgjedhur, e ka zgjedhur një fqinji im, apo dikush tjetër. Unë kam ngrënë 1 mln shuplaka që vendi të ishte ky. Pse duhet të themi shuplaka për humbësit dhe nuk themi puthje për fituesit. Mallkuar qofshin ata që shpikën shuplakat. U bëj thirrje intelektualëve që të gjithë së bashku të mbrojmë atë që është e drejtës, të mbrojmë Kushtetutën.

Jemi një vend një partiak. Jemi një vend me progres ekonomik, gënjeshtër. Jemi një vend i varfër, i rrënuar, i sfilitur dhe në braktisje çdo ditë drejt boshllëkut. Politika është e mbushur me pinokë gënjeshtarë. Mos u gënjeni, e vërteta mbrohet vetëm nga zëri juaj, vullneti juaj, shpirti juaj dhe po të jetë nevoja edhe nga grushti juaj. Të gjithë së bashku të veprojmë me Kushtetutën.

Politikanëve të gjithë fytyrave, të shkurtër apo të gjatë, të gjithë atyre që janë të gënjeshtërt, hajdutë dhe kriminelë, të braktisin karriget e vjedhura se ndryshe do të përballen me zemërimin e sovranit. Të na lënë të lirë dhe të qetë, të jetojmë dhe gëzojmë begatinë e këtij vendi ku duam të vdesim.

Ky është një podium që e ka ngritur Presidenti Ilir Meta, herë tjetër ka qenë Edi Rama, Sali Berisha, Lulzim Basha për të njëjtat arsye për të mbrojtur demokracinë. Unë dua, kam një ëndërr ku njerëzit nuk i japin një shuplakë sepse duan një jetë më të mirë. Sa bukur do të ishte që sot kur të kthehemi në shtëpi të premtojmë në heshtje brenda vetes, unë nuk do godas", tha Kapexhiu./Gazeta Liberale

Liberale Newsroom

Poll
SHQIPENGLISH