“Princi i Pop-it”, Justin Bieber, është gati të marrë paratë dhe të dalë në pension në moshën 29-vjeçare. Sipas informacioneve të RadarOnline.com, fëmija – fenomen i industrisë botërore të muzikës, vlen rreth 200 milionë dollarë dhe burimet thanë se ai dëshiron të tërhiqet nga publiku dhe karriera e tij, së bashku me gruan e tij modele 26-vjeçare, Hailey Bieber.
“Justin nuk ka qenë rehat me botën për një kohë të gjatë dhe fama e tij po e dëmton atë,” zbuloi një mik, duke shtuar: “Edhe psikologu i tij thotë se nëse ajo që po bën e bën atë të pakënaqur, ai duhet të marrë rrugën e vështirë”.
Pavarësisht publikimit, ai nuk është pozicionuar për të konfirmuar apo mohuar sa më sipër. Mirëpo, nëse gjykohet nga koncertet e tij të fundit, të cilat ai i anuloi, ndoshta përgjigjja në pyetjen nëse do të vazhdojë karrierën e tij, nuk është inkurajuese për fansat e tij.
Ai anuloi një koncert pas tjetrit
Duke përmendur çështje shëndetësore, Bieber e përfundoi papritur turneun e tij Justice World Tour vitin e kaluar, duke përmendur probleme shëndetësore dhe rraskapitje.
“Justin mendon se presioni i industrisë së muzikës nuk po i bën mirë. Ai thjesht dëshiron të zhduket me Hailey-n dhe të shijojë paratë e tij”, ka treguar një tjetër burim. Më herët në mars, Bieber anuloi koncertin e tij më të fundit, duke zemëruar fansat e tij. Sipas DailyMail, në fakt nuk ishte vendimi i tij, por një rekomandim urgjent nga mjekët e tij.
Burime pranë këngëtarit thonë se edhe një herë arsyeja që mjekët i kërkuan të mos shkonte në turneun e tij botëror ka të bëjë me betejën e tij të vazhdueshme me sindromën Ramsay Hunt.
“Justin është i brishtë dhe i rraskapitur kohët e fundit. Atij i thanë se kjo duhej të ndodhte dhe nuk mbeti pa zgjidhje tjetër”, tha një person i afërt me yllin e estradës 29-vjeçare./Liberale.al
