Showbiz

Jazexhiu i kujtoi dashnorët Zhaklinës/ Moderatorja sqaron se çfarë ndodhi në të vërtetë në studio

Shkruar nga Liberale

Bieta Sulo, moderatorja e emisionit "Ftesë në 5", i është rikthyer sërish debatit që ka marrë vëmendjen e mediave, ku përjashtoi nga emisioni të ftuarin Olsi Jazexhi. Akti drastik erdhi pas debatit verbal dhe fyerjeve që Jazexhiu i bëri gazetares Zhaklin Lekatar, duke i përmendur detaje nga jeta e saj private.

"Ia numëroj të gjithë dashnorët unë Zhaklinës po të dojë sherr, po të dojë ta degjenerojë emisionin", tha ndër të tjera

Në një postim të gjatë në rrjetet sociale, moderatorja tregon arsyet që e detyruan të shkonte në ekstrem, duke sqaruar se e kishte paralajmëruar vazhdimisht.

"Në Shqipëri, është bërë më se e zakonshme të shikojmë debate toksike, ku fyerjet fluturojnë sa nga një anë në anën tjetër dhe denigrimi i individit është kthyer në armë debati që ka zëvendësuar logjikën dhe argumentin. Për ne të “Ftesë në 5”, kjo është e papranueshme dhe është shkelje e standardit të komunikimit televiziv. Për këtë arsye si asnjëherë më parë në këtë vend dhe për herë të parë për një arsye të tillë, unë vendosa të largoj nga emisioni të ftuarin që u soll si agresor, pasi disa herë iu bë thirrje të moderohej dhe iu dha mundësia të kërkonte ndjesë përgjatë transmetimit te drejtpërdrejtë.

Ngjarja dhe debati qoftë edhe i ashpër në studio, në bindjen time është në interes jo vetëm të suksesit të emisionit, por mbi te gjitha të emancipimit të një shoqërie ku bashkëjetesa e ideve të ndryshme dhe pse jo edhe të kundërta, është një normë, dhe jo një përjashtim.

Në bindjen time debati kultivon tolerancën. I vetmi qëndrim intolerant imi dhe televizionit ku unë punoj, është ai ndaj denigrimit të personalitetit. Besoj që edhe kjo ngjarje e javës që shkoi e vërteton këtë", shkruan Sulo.

Debatet në studio vijnë pas propozimit të hedhur nga avokatja Migena Balla, gruaja e Olsi Jazexhiut, për ligjërimin e martesave të burrave me shumë gra. Lektari ka qenë kritike ndaj Ballës dhe ka pasur përplasje me avokaten në emisionin e parë. Mesa duket, në emisionin e dytë ka hyrë në lojë burri i avokates për të mbrojtur propozimin e gruas së tij./Liberale.al

 

Liberale Newsroom

Poll
SHQIPENGLISH