Një 35-vjeçar shqiptar është gjetur i vdekur nga bashkëshortja brenda garazhit të shtëpisë së tyre në Romë të Italisë.
Mediat vendase shkruajnë se viktima është identifikuar si Luçiano Kollaku, ndërsa ngjarja u regjistrua sot rreth orës 03:15.
Ka qenë bashkëshortja e Kollakut ajo që ka lajmëruar policinë, pasi bashkëshorti ishte mbyllur në garazh dhe nuk i përgjigjej. Pasi hapën derën me forcë, policia gjeti të shtrirë në tokë dhe të pajetë 35-vjeçarin.
Dyshohet se vdekjen e ka shkaktuar një mbidozë droge, pasi pranë trupit u gjetën dy shiringa. /Gazeta Liberale