Aktualitet

ISHP: Infektimet po rriten sepse nuk respektohen masat

Shkruar nga Liberale
ISHP: Infektimet po rriten sepse nuk respektohen masat

Për herë të parë që prej fillimit të pandemisë, Shqipëria regjistroi të mërkurën dhe të enjten mbi 1 mijë raste të infektuar me Covid. Specialistët e Institutit të Shëndetit Publik thonë se shkak i infektimeve është mosrespektimi i masave antiCovid dhe grumbullimet nëpër lokale.

“Numri i rasteve rritet sepse njerëzit kanë rritur kontaktet me njëri-tjetrin, nuk përdorin maska, restorantet dhe lokalet janë të mbushura”, tha për Klan Tv, epidemiologia Rovena Daja.

Në Tiranë nuk ka zona të nxehta, pasi i gjithë kryeqyteti është zonë e kuqe. Incidenca javore në Tiranë javën e fundit ka arritur në 432 raste për 100 mijë banorë.

“Kryeqyteti nuk është se ka vetëm 1 vatër, 2 ose 3. Në të gjithë qytetin kemi përhapje. Nuk mund tl themi se kemi një zonë të caktuar. Incidenca në Tiranë ka qenë 321,48, ndërsa aktualisht ka shkuar në 432. Në total incidence për 100 mijë banorë për të gjithë Tiranën ka shkuar në 4045”, u shpreh Daja.

Grupmosha më e prekur është ajo 55-74 vjeç. Në Shqipëri janë afro 31 mijë raste pozitiv aktivë dhe Tirana ka më shumë se gjysmën e të infektuarve.

“Gjatë javës së fundit vazhdon grupmosha 65 deri në 74 vjeç. Ndërkohë 55 deri në 64 vjeç kanë incidencën më të lartë. Megjithatë vihet re edhe një rritje e incidencës në moshat e reja 20 deri në 24 vjeç”, tha epidemiologia.

Në Shqipëri janë afro 31 mijë raste pozitiv aktiv dhe Tirana ka më shumë se gjysmën e të infektuarëve.

Liberale Newsroom

Poll
SHQIPENGLISH