Kreu i “Rithemelimit”, Sali Berisha ka reaguar në lidhje me arrestimin e ish-zyrtarit të FBI-së, Charles McGonigal.
Në një deklaratë për mediat, Berisha tha se, këshilltarët e kryeministrit Edi Rama kishin lidhje me ish-zyrtarin e FBI-së, i cili sipas tij kishte lidhje me Rusinë.
“Dje dhe sot mediat më të mëdha në botë kanë informuar publikun e SHBA-ve, publikun e Europës dhe Botës, se Charles McGonigal, u arrestua në aeroportin e Neë Yorkut, teksa kthehej nga një udhëtim në Europë. Pak muaj më parë, kam denoncuar para publikut shqiptar lidhjen e ngushtë të Ramës me këtë aset të shërbimeve ruse. Ai u ngarkua në grupin e prokurorit special Myler për hetimin e lidhjeve të presidentit Donald Trump me rusët. Por FBI gradualisht gjeti se ky vetë kishte lidhje të sëmura ruse. Por, në vorbullën e stuhisë, gjendet sipas mediave të botës kryeministri i Shqipërisë, Rama. Ish-këshilltari i tij, Dorian Duçka, një supermafioz me lidhjet më të dyshimta.”, tha Berisha.
Sipas CNN, një çështje e paraqitur në gjykatën federale në Uashington, DC, pretendon se teksa shërbente si agjent special i ngarkuar me përpjekjet e kundërzbulimit të FBI-së në zyrën e Nju Jorkut, McGonigal mori 225,000 dollarë nga një individ me interesa biznesi në Evropë, i cili kishte qenë punonjës i një shërbimin të huaj të inteligjencës. Ndërkohë sipas CNN, ky person ka qenë punonjës i SHISH (Shërbimit Inteligjent Shqiptar).
“Prokurorët pretendojnë se gjatë disa udhëtimeve jashtë shtetit në Shqipëri, Austri dhe Gjermani, McGonigal dështoi të zbulonte formularët e qeverisë amerikane se ai u takua me kryeministrin e Shqipërisë, një politikan kosovar dhe të tjerë”, shkruan CNN./Liberale.al
