Shqiptari Arbi Madhaj, i cili e ka përfunduar dënimin e tij prej 7 vitesh burg për trafik droge, ka fituar çmimin e parë në konkursin “Talentet e Qyteteve”, pasi gjatë kohës kur vuante dënimin në burgjet franceze, ai shpiku një lojë tavoline të quajtur “Ulje shtesë e dënimit”, që kushton 79 euro.
40 vjeçari mbërriti në Renne të Francës kur ishte një adoleshent 16-vjeçar, ndërsa më vonë përfundoi në burg, pasi u arrestua për trafik droge. Ai doli nga burgu në fund të marsit, ndërsa përgjatë kohës kur vuante dënimin krijoi edhe lojën që bazohet në jetën e përditshme të burgut dhe Kodin Penal.
Qëllimi i kësaj loje argëtuese dhe edukative është parandalimi i krimeve dhe edukimi i të rinjve për realitetin e jetës në burg, duke treguar ndikimet e ndryshme njerëzore. Në këtë lojë, secili lojtar e vendos veten në vendin e një të burgosuri. Bordi përbëhet nga 52 sheshe që korrespondojnë me 52 javët e vitit. Secila kuti përfaqëson një aktivitet të ofruar në burg, si sporti, veprimtaritë shoqërore dhe protokollet e rehabilitimit, për të përfituar një ulje shtesë të dënimit.
"Në izolim, disa çmenden. Mua kjo më qetësoi. I vendosi idetë e mia në vend. Në lojën time, unë nuk krijoj asgjë, janë thjesht gjëra që i kam përjetuar. Unë shpjegoj se çfarë ndodh aty. Pavarësisht sa veprojmë në burg, goditemi në kokë. Ne nuk kontrollojmë më shumë”, ka treguar ai në një intervistë për mediat franceze.