Aktualitet

Ish-deputetja nxjerr faturat: Ja si është rritur taksa për qytetarët

               Publikuar në : 14:18 - 26/02/20 liberale

Ish-deputetja e Partisë Demokratike, Jorida Tabaku thotë se bashkia ka rritur tarifat për të rritur fitimin e inceneratorit të Tiranës.

Sipas ish-deputetes, nuk ndodh në asnjë vend të botës që taksat të vendosen nga qeveria për të shkuar tërësisht në xhepin e bizneseve private për pasurim personal.

“Mirëpo veç këtyre pagesave shtesë dhe të larta, Bashkia e Tiranës ka vendosur që të ngarkojë qytetarët e Tiranës dhe bizneset e kryeqytetit me një taksë të re. Jo-formalisht ajo taksë njihet si “Taksa për Inceneratorët” që ka ndikuar në rritjen e taksave dhe tarifave që paguhen nga qytetarët”, shkruan Tabaku.

Postimi i Tabakut:

Taksat dhe tarifat i shërbejnë qeverive për të mbushur buxhetin dhe që përmes tyre të kryejnë shërbimet në ndihmë të qytetarëve. Në asnjë vend të botës dhe aq më pak në vendet e BE-së, taksat nuk vendosen nga qeveria për t’i shkuar tërësisht xhepit të bizneseve private për pasurim personal.

Përjashtim bën Shqipëria. Qeveria pasi i ka dhënë një PPP në kundërshtim me mbi 10 procedura ligjore kompanisë Integrated BV për inceneratorët nga taksat e qytetarëve, pasi i ka dhënë miliona euro shtesë ndryshe nga kontrata e paracaktuar, ka rritur dhe tarifen e pastrimit vetëm për t’i shkruar përsëri kësaj kompanie fitimin fiktivisht.

Specifikisht për qytetin e Tiranës, kompania e inceneratorëve ka përfituar 54 transaksione me një vlerë prej 2.2 mld lekësh (18.8 mln euro). Pra rreth 51 mijë euro në ditë kanë shkuar në xhepat e pronarëve të inceneratorit Tiranë nga taksat e qytetarëve.

Mirëpo veç këtyre pagesave shtesë dhe të larta, Bashkia e Tiranës ka vendosur që të ngarkojë qytetarët e Tiranës dhe bizneset e kryeqytetit me një taksë të re. Jo-formalisht ajo taksë njihet si “Taksa për Inceneratorët” që ka ndikuar në rritjen e taksave dhe tarifave që paguhen nga qytetarët.

Faturat e paraqitura më poshtë tregojnë se si kjo taksë është rritur. Biznesi i vogël do të paguajë 1500 lekë më shumë, ai i madh 7500 lekë më shumë ndërsa bizneset e mesme tregtare do të paguajnë 11 mijë lekë më shumë. e gjithë kjo vlerë do të shkojë në xhepin e kompanisë inceneratore. Pra për çdo kategori tarifat janë rritur me 15% duke rritur kostot e bizneseve dhe qytetarëve për një produkt që i mungon. /Gazeta Liberale

Bashkia rrit tarifat për të rritur fitimin e inceneratorit të Tiranës.Taksat dhe tarifat i shërbejnë qeverive për të…

Gepostet von Jorida Tabaku am Mittwoch, 26. Februar 2020

Tags: , , ,

KOMENTO (0)

Shkruaj nje koment

Your email address will not be published. Required fields are marked *

* *

Back