Globi

Irani kërcënon me vdekje ish-presidentin amerikan

Shkruar nga Liberale
Irani kërcënon me vdekje ish-presidentin amerikan

Teherani nuk heq dorë nga gjuha e kërcënimeve, e cila është përshkallëzuar së tepërmi që nga vrasja e gjeneralit Kasem Suleimani.

Së fundmi, zyrtari më i lartë i drejtësisë iraniane paralajmëroi se vrasësit e komandantit suprem, nuk do të jenë të sigurt në tokë dhe sidomos ish-presidenti Donald Trump, i cili urdhëroi sulmin.

Paralelisht, Irani ka deklaruar se ka në plan të rrisë shkallën e pasurimit të uraniumit në 20%. Kështu Teherani rrit trysninë mbi Perëndimin lidhur me marrëveshjen bërthamore nga e cila Uashingtoni është tërhequr në vitin 2018.

Të dielën shënohet përvjetori i sulmit ndaj gjeneralit Kasem Suleimani, ndërsa zyrtarët amerikanë janë të shqetësuar lidhur me mundësitë e një hakmarrje të mundshme nga Irani, e cila është paralajmëruar në vazhdimësi.

Liberale Newsroom

Poll
SHQIPENGLISH