Aktualitet

Ilir Ikonomi çon Fan Nolin në Prishtinë

Shkruar nga Liberale
Ilir Ikonomi çon Fan Nolin në Prishtinë

Pas interesimit të jashtëzakonshëm të lexuesve nga Kosova, për librin “Fan Noli”, autori Ilir Ikonomi udhëtoi drejt Prishtinës, duke e përuruar vëllimin e parë, në Librarinë Dukagjini.

Një mbrëmje e ngrohtë, mes miqsh, lexuesish, historianësh, diplomatësh e gazetarësh vendës, ku Ikonomi ndau më shumë hollësi rreth punës disavjeçare me mbledhjen e materialeve arkivore-nga ShBA, Austri e Shqipëri- për jetën dhe veprimtarinë e një figurave më të rëndësishme të botës shqiptare.

Të pranishmit pyetën më tej për rolin e Nolit në çështjen e shqiptarëve të kohës, në Konferencën e Paqes apo Lidhjen e Kombeve, si edhe vlerësuan punën e autorit në prurjen e biografive për figura me rëndësi si; Faik Konica, Esat Pashë Toptani, Ismail Qemali e së fundi Fan Noli.

Ikonomi zbuloi se biografia e Nolit do të vijë me tri vëllime, për ta sjellë të plotë dhe në të gjithë dimensionet e tij, figurën e klerikut, intelektualit, politikanit e atdhetarit. Vëllimi i parë, i titulluar “Apostulli”, -botim i UET Press- sjell jetën e Nolit nga mbërritja në ShBA, më 1906 e deri më 1920, kur ai vendos të udhëtojë drejt Shqipërisë.

Në fund, lexuesit patën mundësi të marrin një kopje të autografuar prej autorit, ndërsa libri prej botimit është më i kërkuari në libraritë e Tiranës, Prishtinës e Shkupit.

[gallery columns="1" size="full" jnewsslider="true" ids="1400013,1399917,1399920,1399919,1399918,1399916"]

Liberale Newsroom

Poll
SHQIPENGLISH