Trupi i pajetë i një 41-vjeçari është gjetur në një pus uji në afërsi të fshatit Fierzë, në Pukë.
Policia bën me dije se trupi i pajetë i përket shtetasit Vladimir Kola, 41-vjeç nga Fierza me banim në Durrës.
Mësohet se Vladimir Kola kishte shkëputur kontaktet me familjen prej datës 20 janar, kur kishte shkuar në vendlindje për të vizituar disa prej familjarëve.
41-vjeçari, i pamartuar njihej si përdorues i pijeve alkoolike dhe bëhet e ditur se ishte larguar dhe me parë nga banesa.
Trupi i pajetë i Kolës sapo ka mbërritur në morgun e spitalit të Pukës, ku po i nënshtrohet ekspertizës mjeko-ligjore.
