Aktualitet

I vunë tritol në derën e shtëpisë, flet i tronditur gazetari

               Publikuar në : 11:41 - 30/10/20 liberale

Një ngjarje e rëndë ka ndodhur pas mesnatës në vendin tonë. Në pjesën e jashtme të banesës së gazetarit të News24, Elidon Ndrekës, në fshatin Balldre të Lezhës, ka shpërthyer tritol.

Policia ka bërë me dije se shpërthimi ka shkaktuar dëme të vogla materiale, ndërsa gazetari ka treguar për “Report Tv” se ngjarja ka tronditur familjen. E bija ishte zgjuar me të qara dhe britma.

“U tronditëm, nuk kam vënë gjumë në sy. Vajza u zgjua me britma, duke qarë. Nuk di të drejtoj gishtin tek një person apo disa individë të ndryshëm, se nga kush mund të jetë kryer, por shpresoj që policia të zbardhë dhe t’i shkojë deri në fund ngjarjes. Unë prej vitesh ushtroj profesionin e gazetarit, dhe e vetmja indicie mund të jetë puna që bëj. Por nuk di të drejtoj gishtin. Kjo është një ngjarje e rëndë. Unë jetoj në banesë me prindërit, bashkëshorten dhe dy vajzat. Tronditja ishte e madhe, pasi shpërthimi ishte goxha i rëndë. Shpresoj që drejtësia ta zbardhë. Kam besim të plotë që do të zbardhet në bazë të provave dhe nga kamerat e sigurisë. Janë sekuestruar pamjet filmike”, ka treguar ai.

Tags: , , ,


KOMENTO (0)

Shkruaj nje koment

Your email address will not be published. Required fields are marked *

* *

Back