Kosova

Gruaja shtatzënë vritet në maternitet, Albin Kurti: Dy engjëj në qiellin e pistë

Shkruar nga Liberale

Kryeministri i Kosovës, Albin Kurti, ka reaguar lidhur me ngjarjen e rëndë që ndodhi në Prishtinë, ku në korridorin e maternitetit të spitalit u vra nga burri i saj një grua shtatzënë.  Gruaja, rreth 35-vjeçe shkoi për të lindur, kur u qëllua për vdekje, për motivet që ende nuk janë sqaruar.

Reagimi i Albin Kurtit, “Dy engjëj në qiellin e pistë”

Vrasje mizore. U vra edhe një grua. Edhe kjo nga burri i saj. Në oborr të spitalit. Atje ku duhet të shërohen njerëzit. Në oborr të Klinikës Gjinekologjike. Atje ku lindin gratë. U shua një jetë që po sillte edhe një jetë tjetër. Gruaja ishte shtatzënë. Rreth 35 vjeç, as në gjysmë të jetës së saj. E fëmija që ajo donte ta lindte as nuk e filloi jetën. Vrasës mizor.  Edhe një burrë që qëllon mbi gruan që duhej ta mbronte. Edhe një burrë që vret një grua. E cila tash është e jona, e të gjithë neve. Bashkë me foshnjen e palindur të saj. Dy qytetarë të Kosovës më pak, dy shqiptarë më pak, do të jenë duke menduar armiqtë tanë. E papranueshme dhe e padurueshme.

Liberale Newsroom

Poll
SHQIPENGLISH