Aktualitet

Gruaja e ish-ambasadorit: Vajzën ma ngacmonin në Serbi

Shkruar nga Liberale
Gruaja e ish-ambasadorit: Vajzën ma ngacmonin në Serbi

Në emisionin Rudina në Tv Klan kanë qenë të ftuara tre gra ish-ambasadorësh të cilat kanë ndarë me publikun disa rrëfime të jetesës së tyre jashtë vendit.

Dolores Koçi, gruaja e ish-ambasadorit shqiptar Spiro Koçi në Austri dhe Serbi gjatë viteve 2010-2015, ka rrëfyer se ambientimi i vajzave të tyre në Serbi ka qenë shumë e vështirë, kështu që u detyruan që ata ta sillnin vajzën 16-vjeçare sërish në Shqipëri sepse ngacmohej nga serbët.

“Unë kam qenë edhe në Serbi dhe vajzat e mia kanë pasur probleme me ambientimin. Ishin vitet 2007-2008, unë nuk arrita dot ta lejoja vajzën ta vazhdonte deri në fund gjimnazin sepse ajo pati probleme, e ngacmonin me fjalë, me vështrime.

Ajo ishte 16 vjeç kështu që ajo u detyrua të kthehej dhe të jetonte me prindërit e tim shoqi sepse ishte e pamundur përshtatja e vajzave. Dhe akoma dhe sot është shumë e çuditshme, është 19 vjeç dhe duhet të zgjedhë për çfarë do studiojë. Më tha nuk e di se çfarë dua, por e di se çfarë nuk dua. E pyeta çfarë dhe më tha nuk dua të bëhem diplomate. I thashe pse sepse unë di që ju kemi siguruar një jetë të këndshme dhe nuk keni patur mungesa. Jo tha, kam patur shumë mungesa sepse unë kam lëvizur nga miqtë e mi, nga shokët e mi dhe është shumë e vështirë të integrohesh, të bëhesh njësh me fëmijët austriakë që janë të ftohtë”, është shprehur Dolores Koçi.

Liberale Newsroom

Poll
SHQIPENGLISH