Aktualitet

Greqia nuk heq dorë, i vendos kushte Shqipërisë për integrimin në BE

               Publikuar në : 17:53 - 13/10/19 liberale

Greqia nuk tërhiqet nga kërkesa e saj që Shqipëria të respektojë minoritetin grek në territorin e saj, në të kundërt do të përballet me pengesa për integrimin.

Ministri i Jashtëm grek Nikos Dhendias ka ripërsëritur sërish se një prej kushteve kryesore që kërkon Athina ndaj Tiranës për të mbështetur fillimin e negociatave me BE janë të drejtat e minoritetit grek në Shqipëri.

Flasim ndershmërisht me Shqipërinë. Kërkojmë mbrojtjen e të drejtave të pakicës Greke. Ne nuk kemi pretendime për Shqipërinë. Greqia është një faktor i stabilitetit dhe sigurisë së kufijve. Sidoqoftë, Shqipëria duhet të kuptojë që ecuria e saj europiane përmban mbrojtjen e te drejtave dhe parimeve europiane, të cilat sigurojnë mbrojtjen e pakicave. Kërkon gjithashtu respektimin e pasurive të tyre. Dhe nuk ka mundësi që pasuritë në zonën bregdetare të Himarës të mos jenë objekt që duhet mbrojtur”, ka deklaruar kryediplomati grek në një intervistë për gazetën “Kathimerini” të së dielës

Ai ka deklaruar më tej se Greqia është rimëkëmbur, pas rënies nga kriza ekonomike dhe do të ndikojë më fuqishëm për integrimin e rajonit të Ballkanit./Gazeta Liberale

Tags: , , ,

KOMENTO (0)

Shkruaj nje koment

Your email address will not be published. Required fields are marked *

* *