Aktualitet

Greqia hap kufijtë për vizitorët shqiptarë

Shkruar nga Liberale
Greqia hap kufijtë për vizitorët shqiptarë

Greqia ka vendosur hapjen e kufijve për vizitorët shqiptarë, duke nisur nga 28 qershori. Vendimi është marrë nga ministria e Turizmit të Greqisë. Në këtë mënyrë Greqia, ndoqi rekomandimin e Këshillit të Bashkimit Evropian, i cili vendosi të mërkurën, të heqë kufizimet e udhëtimeve për disa vende të reja, mes tyre edhe vendi ynë.

Së fundmi, Këshilli Europian përditësoi listën e vendeve të treta për të cilët duhen hequr kufizimet e udhëtimeve jo-esenciale bazuar në situatën epidemiologjike në vend, mes tyre edhe Shqipëria. Këto kufizime, sipas Këshillit duhet të hiqen gradualisht teksa kjo listë do të rishikohet çdo dy javë.

Bazuar në kriteret dhe kushtet e përcaktuara në rekomandim, që nga 18 qershori 2021 vendet anëtare duhet të heqin gradualisht kufizimet e udhëtimit në kufijtë e jashtëm për banorët e vendeve nga:

Shqipëria

Australia

Izraeli

Japonia

Libani

Zelanda e Re

Republika e Maqedonisë së Veriut

Ruanda

Serbia

Singapori

Korea e jugut

Tajlandë

Shtetet e Bashkuara të Amerikës

Liberale Newsroom

Poll
SHQIPENGLISH