Ish-zyrtari i SHBA-së Richard Grenell ndodhet në Shqipëri për një vizitë informale ku është takuar me Kryeministrin Edi Rama.
Siç bën edhe ai të ditur nëpërmjet një postimi në Twitter, temë e bisedimit mes tyre ka qenë edhe burgosja e ish-presidentit të Kosovës, Hashim Thaçi, i cili ndodhet në Hagë, në një proces gjyqësor ndërsa akuzohet për krime lufte.
“Drekova me Kryeministrin Edi Rama, të aleatit tonë më të madh në NATO, Shqipërisë, dhe ramë dakord që duhet bërë më shumë për të liruar Hashim Thaçin që prej 3 vitesh ndodhet në burg në Hagë. Akuzat kundër tij janë të rreme dhe dëshmitarët thonë se janë manipuluar nga Jack Smith”, ka shkruar Grenell në Twitter.
I had lunch with Prime Minister @ediramaal from our great NATO ally Albania 🇦🇱 – and we agreed that more must be done to free @HashimThaciRKS from his 3 years of prison by The Hague.
The charges against him are phony and the witnesses are saying they’ve been manipulated by Jack… pic.twitter.com/9B3MMoJBo4
— Richard Grenell (@RichardGrenell) May 25, 2023
Richard Grenell ka mbajtur postin e Përfaqësuesit special për të qenë pjesë e bisedimeve Kosovë- Serbi, caktuar nga presidenti amerikan Donald Trump, si dhe ka pasur marrëdhënie shumë të afërta me Thaçin gjatë kohës që mbante postet e tij në Ballkan.
