Aktualitet

Gjobiten 717 qytetarë për mos mbajtjen e maskës

Shkruar nga Liberale
Gjobiten 717 qytetarë për mos mbajtjen e maskës

Shumë qytetarë vijojnë të mos respektojnë rregullin për mos vendosjen e maskës në ambientet publike.

Policia e Shtetit ka bërë të ditur se në 24 orët e fundit ka ndëshkuar me masë administrative 717 qytetarë që u konstatuan pa maskat mbrojtëse.

“Në zbatim të masave anti-Covid, gjatë 24 orëve të fundit, në të gjithë vendin, nga Patrullat e Përgjithshme dhe ato të Policisë Rrugore janë ndëshkuar me masën administrative 3.000 lekë, 717 qytetarë që janë konstatuar pa maskat mbrojtëse. Gjithashtu, gjatë kontrolleve janë shoqëruar në ambientet e Policisë në të gjithë vendin, 7 shtetas që nuk kanë pranuar t’i tregojnë punonjësve të Policisë dokumentin e identifikimit apo nuk e kanë pasur atë me vete, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë”, thuhet në njoftimin e policisë.

Liberale Newsroom

Poll
SHQIPENGLISH